بەرێوەبەرایەتی پۆلیسی دارستان‌و ژینگەی ئیدارەی راپەرین دەستگیركردنی ژمارەیەك راوچی ماسی رادەگەیەنێت، باس لەوەش دەكات وەرزی قەدەغەكردنی راوی ماسی تا ناوەراستی مانی شەش بەردەوام دەبێت.
ئاوێنە: لەراگەیەنراوێكیدا بەرێوەبەرایەتی پۆلیسی دارستان‌و ژینگەی ئیدارەی راپەرین وێرای ئاشكراكردنی دەستگیركردنی ژمارەیەك راوچی ماسی، ئاماژەبەوەش دەكات هەر كەس‌و لایەنێك راوی ماسی بكات سزای توند دەدرێت، ئاماژەبەوەش دەكات تیمەكانیان لەسەر دەریاچەی دوكان راوچییەكیان دەستگیركردوە لەكاتی سەرقاڵبونی بە راوەماسی.
دەشڵێت "دوای هەستنەکردن بەبەرپرسیاریەتی، سەرپێچیکارەکە هەستاوە بە ڕاوکردنی ژمارەیەکی زۆر لەماسی کە لە سەرەتای وەرزی گەرا دانانیاندا بون"، راشیدەگەیەنێت پەراوی لێكۆڵینەوە بۆ دەستگیركراوەكان كراوەتەوە.