عومەر عینایەت، پەرلەمانتاری خولی چوارەمی پەرلەمانی كوردستان لەفراكسیۆنی گۆران رایدەگەیەنێت یەكێتی دەرفەتی ئەوەی قۆستوەتەوە كە هێزی چەكداری هەیە، ئاماژەبەوەش دەكات هەر كاتێك یەكێتی هێزی چەكداری نەما دەسەڵاتی لەسلێمانیش نامێنێت.
ئاوێنە: عومەر عینایەت، پەرلەمانتاری خولی چوارەمی پەرلەمانی كوردستان لەفراكسیۆنی گۆران بە میدیای پارتی راگەیاندوە یەكێتی دەرفەتی ئەوەی قۆستەوەتەوە كە هێزی چەكداری بە دەستەوەیە، پێشی وایە دو ئیدارەیی لەهەرێم بونی هەیە، دەشڵێت "ئەگەر حزب دەست لەیەخەی حكومەت نەكاتەوە، ئەوا ئەم ناز‌و بیانوانە یەكێتی هەر دەیكات".
راشیدەگەیەنێت یەكێك لەبەرنامەكانی بزوتنەوەی گۆران بە نیشتمانیكردنی هەمو هێزە چەكدارەكانە، ئەو وتی "یەکێتی لەوە دەترسێت ئەو دەسەڵاتەی لە ناوچەی سلێمانی و ھەڵەبجە و پێنجوێن و بتوێن ھەیانە، ئەگەر ھێزی چەکداری نەمێنێت، بێگومان ئەم کورسییانەی پەرلەمان ناھێنێت و ئەو دەسەڵاتەی ناوچەی سلێمانیشی نامێنێت".