لەمیانی كۆنگرەیەكی رۆژنامەوانیدا عەمید جەلال ئەمین بەگ، بەرێوەبەری بەرێوەبەرێتی مادەهۆشبەرەكان لە ئاسایشی سلێمانی ئاشكرایكرد كە بازرگانێكی گەورەی مادەی هۆشبەر دەستگیركراوە كە مادەی هۆشبەری رەوانەی وڵاتانی ئەوروپا كردوە.
ئاوێنە: عەمید جەلال ئەمین بەگ، بەرێوەبەری بەرێوەبەرێتی مادەهۆشبەرەكان لە ئاسایشی سلێمانی رایدەگەیەنێت ئەو بازرگانە گەورەی مادەی هۆشبەر بە رەگەز عێراقییە‌و لەهەرێمی كوردستانەوە مادەی هۆشبەری رەوانەی وڵاتانی ئەوروپا كردوە، دەشڵێت "بری سێ كیلۆ‌و نیو مادەی هۆشبەری لەنێو دۆشەك‌و لێفەی منداڵاندا حەشاردابو".
هۆشداریش دەدات بە بازرگانان‌و خاوەن كۆمپانیاكان بەوەی لەكاتی پۆستكردن چاوكراوەبن‌و بە وریاییەوە مامەڵە بكەن.