سەفین دزەیی، وتەبێژی حكومەتی هەرێمی كوردستان رایدەگەیەنێت حكومەتی هەرێم بەردەوام دەبێت لەپێدانی موچە لەكاتی خۆیدا، راشیدەگەیەنێت گفتوگۆی باش هەیە بۆ ناردنی شایستە داراییەكان لەلایەن حكومەتی بەغداوە، دەشڵێت "دواكەوتنی حكومەت بەرژەوەندی هیچ لایەكی تێدا نیە".
ئاوێنە: سەفین دزەیی، وتەبێژی حكومەتی هەرێمی كوردستان بە میدیای پارتی راگەیاندوە دانوستان و گفتۆگۆكان بۆ پێكهێنانی حكومەت بەردەوامن و پێشبینی دەكرێـت لە ماوەیەكی نزیكدا حكومەتی هەرێم پێك بهێندرێـت، وتیشی "دواكەوتنی حكوومەت لە بەرژەوەندیی هیچ لایەكدا نییە و كاریگەری لەسەر بازاڕ دروست دەكات و دەبێتە هۆی دڵەڕاوكێی هاوڵاتیان، بۆیە ئێمە لە حكومەتی هەرێم پشگیری لە هەوڵی خێرای لایەنەكان دەكەین بۆ پێكهێنانی حكومەت".
لەبارەی نرخی بەنزینیشەوە رایدەگەیەنێت هەوڵ هەیە بۆ ئەوەی بەغدا بەشە بەنزینی هەرێم كە 17%ــیە، بنێرێت و ئێمەش پشگیریی هەر جۆرە هەوڵێك دەكەین لەلایەن لایەنە پەیوەندیدارەكانی حكومەتی هەرێم بۆ بەرجەستەكردن و ناردنی بەشە بەنزینی هەرێم، هەر كاتێكیش بەش ەبەنزین لەلایەن بەغداوە بنێردرێت، نرخی بەنزین دادەبەزێت".