له‌سه‌ر وه‌رنه‌گرتنه‌وه‌ی دیله‌ بیانییه‌كانی داعش، ترامپ ره‌خنه‌ له‌وڵاتانی ئه‌وروپی ده‌گرێت
  2019-04-30       349       

دۆناڵد ترامپ، سه‌رۆكی ئه‌مریكا رایگه‌یاند كه‌ وڵاته‌كه‌ی له‌ئێستادا سه‌رقاڵی تاوتوێكردنی چاره‌نوسی ئه‌و چه‌كداره‌ دیلانه‌ی داعشه‌ كه‌ له‌میانی شه‌ڕه‌كانی ئه‌م دواییه‌دا بۆ سه‌كه‌وتن به‌سه‌ر داعشدا له‌سوریا ده‌ستگیركراون. له‌و باره‌یه‌شه‌وه‌ ره‌خنه‌ له‌وڵاتانی ئه‌وروپا ده‌گرێت كه‌ ئاماده‌نین ئه‌و دیلانه وه‌ربگرنه‌وه‌ كه‌ خه‌ڵكی وڵاته‌كانیانن.

ئاوێنه‌: دۆناڵد ترامپ، ئه‌مڕۆ سێشه‌ممه‌، له‌تویتێكدا رایگه‌یاند"یه‌ك هه‌زارو 800 به‌ندی داعشمان هه‌ن كه‌ له‌شه‌ڕه‌كانی ئه‌م دواییه‌ی سه‌ركه‌وتنی ته‌واوه‌تی به‌سه‌ر داعشدا له‌سوریا به‌دیل گیراون."
هێمای بۆ ئه‌وه‌ش كردوه‌ كه‌ له‌ئێستادا بڕیار له‌چاره‌نوسی ئه‌و زیندانییه‌ مه‌ترسیدارانه‌ ده‌درێت كه‌ چییان لێ بكرێت.

له‌تویتێكی دیكه‌دا ئاماژه‌ی به‌وه‌ داوه‌‌ كه‌ وڵاتانی ئه‌وروپا له‌و ڕوه‌وه‌ هیچ هاوكارییه‌ك ناكه‌ن سه‌رباری ئه‌وه‌ی كه‌ ئه‌وه‌ی رویداوه‌ له‌به‌رژه‌وه‌ندی ئه‌واندا بوه‌.

ئه‌وه‌شی خستۆته‌ڕو كه‌ وڵاتانی ئه‌وروپا ره‌تیده‌كه‌نه‌وه‌ خه‌ڵكانی وڵاته‌كانیان له‌نێو ئه‌و دیلانه‌ی داعشدا وه‌ربگرنه‌وه‌ كه ئه‌وه‌ش‌ "شتێكی باش نییه‌."

ئه‌وه‌ش له‌كاتێكدایه‌ كه‌ به‌پێی قسه‌ی به‌رپرسانی هه‌سه‌ده‌ نزیكه‌ی دو هه‌زار داعش له‌لای ئه‌وان دیلن و له‌زیندانه‌كانداو به‌رده‌وامیش داوایان له‌ وڵاتانی ئه‌وروپا كردوه‌ كه‌ ئه‌و دیلانه‌یان راده‌ستبكه‌نه‌وه‌ به‌ڵام بێ ئه‌نجام بوه‌.

هه‌سه‌ده‌ له‌دوا پێشنیاریدا داوایكردبو كه‌ دادگای تاوانه‌ نێوده‌وڵه‌تییه‌كان له‌سه‌ر خاكی سوریا هه‌ڵبسێت به‌ دادگایی كردنی ئه‌و داعشه‌ دیله‌ بیانییانه‌ بۆ یه‌كلاییكردنه‌وه‌ی چاره‌نوسیان.

زۆرترین بینراو
چراخان رەفیق: به‌ ئه‌ركی سه‌ر شانی خۆمی ده‌زانم له‌ ڕێگای ئه‌م نوسراوه‌وه‌ هه‌ندێك له‌ ئه‌و ڕاستیانه‌ ئاشكرا بكه‌م
"نه‌جمه‌دین که‌ریم (سندوقی ره‌شی مافیاکانی کوردستان)"
هاوسه‌ری پێشوی ئاشتی هه‌ورامی: ئاشتی هه‌ورامی‌و بانده‌ مافیایه‌که‌ی هه‌ڕه‌شه‌ی کوشتنم لێده‌که‌ن
رۆژنامه‌یه‌كی لوبنانی: به‌ده‌یان ملیۆن دۆلار خراوه‌ته‌ڕو بۆ گه‌ڕاندنه‌وه‌ی نه‌جمه‌دین كه‌ریم بۆ هه‌ولێر
ویكیلیكس: له‌(2005)ه‌وه‌، ئه‌مریكا دڵنیا بووه‌ له‌وه‌ی‌ كه‌ركوك ده‌بێته‌ قوربانی‌ ناكۆكییه‌كانی‌ یه‌كێتی‌‌و پارتی
داعش ژیانی پارێزه‌ره‌که‌ی نادیه‌ موراد له‌ئه‌مه‌ریکا ده‌خاته‌ مه‌ترسییه‌وه‌
بارزانی: ئیرادەی گەلی كوردستان بەهێزە‌و سەرباری بونی پیلانگێری، بەڵام بە ئیرادەیەکی بەرزتر لە جاران تێدەکۆشی
گه‌روی هورمز، مۆته‌كه‌ ترسناكه‌كه‌ی ئابوری عێراق‌و كه‌نداو
وەزیری دەرەوەی عێراق: پشتیوانی ئێران دەكەین
عەبدوڵا ئۆجەلان نامەیەك بڵاو دەكاتەوە
© 2018 Awene Online, Inc. All Rights Reserved.
×