وەزارەتی دارایی عیراق رایگەیاند، 45 هەزار دەرچوی بەشەکانی پزیشکی و تەندروستی و پەرستاری لەسەر میلاکی وەزارەتی تەندروستی دادەمەزرێن و ئەنجومەنی خزمەتگوزاری فیدڕاڵی بەمزوانە کاروبارەکان بەرێدەکات.
ئاوێنە: وەزارەتی دارایی عێراق ئه‌مڕۆ یه‌كشه‌ممه 10ی ئەیلولی 2023 رایگەیاند، بەڕێوەبەرایەتی بودجەی سەر بە وەزارەتی دارایی رێکاری پلە پیشەییکانی بۆ دامەزراندنی دەرچوانی بەشی پزیشکی و تەندروستی و پەرستاری زانکۆ و پەیمانگان تەواو کردووە.
ئەوەشخراوەتەڕوو، بە پێی یاسای ژمارە 6ی ساڵی 2000ی هەموارکراو 45 هەزار و 426 کەس لەسەر میلاکی وەزارەتی تەندروستی عیراق دادەمەزرێن و داوا لە وەزارەتی تەندروستی دەکەن هەماهەنگ بن لەگەڵ ئەنجومەنی خزمەتگوزاری فیدڕاڵی بۆ بەرێوەبردنی کاروبارەکان.
باس لەوەشکراوە، 879 ناونیشانی پیشەیی لە وەزارەتی خوێندنی باڵا ماونه‌ته‌وه و دامەزراندنی ئەوانەش پیویستی بە خێرایی هەماهەنگی نێوان وەزارەتی تەندروستی و وەزارەتی خوێندنی باڵا هەیە.