كەشناسێكی عیراقی پێشبینی دەكات لە ئێوارەی ئەمڕۆ سێشەممەوە، شەپۆلێكی بارانبارین دەستپێبكات و زۆربەی ناوچەكانی وڵات بگرێتەوە.
سادق عەتیە، كەشناسی عیراقی لەڕێی تۆڕە كۆمەڵایەتییەكانەوە بڵاویكردووەتەوە، لەئێوارەی ئەمڕۆوە شەپۆلێكی بارانبارین روو لە وڵات دەكات و زۆربەی ناوچەكان دەگرێتەوە، بەڵام چڕی بارانبارینەكە زیاتر لە ناوچەكانی باشوور و فوراتی ناوەڕاست دەبێت و بەشێوەیەكی هیواش بەرەو شارەكانی باكوور دەكشێت.
ئەو كەشناسە عیراقیە دەڵێت"كاریگەریی شەپۆلی بارانبارینەكە لە باشوور و ناوچەكانی ناوەڕاست و خۆرئاوای وڵات لە ئێوارەی چوارشەممە و سەرلەبەیانی پێنجشەممە دەردەكەوێت".
بە وتەی سادق عەتیە"لەم شەپۆلەدا كەمترین بڕی بارانبارین لە باكووری وڵات دەبێت و پارێزگای نەینەواش كەترین رێژەی بارینی تێدا دەبارێت".