پارتی جۆری ئەو ئۆتۆمبێلە ئاشكرادەكات كە لێیەوە تەقە لە لقی چوار كراوە
  2019-09-20       1846       

بەرپرسێكی لقی چواری پارتی لەسلێمانی، جۆری ئەو ئۆتۆمبێلە ئاشكرادەكات كە درەنگانی شەوی رابردو لێیەوە تەقە لە بارەگای لقەكەیان كراوە.

ئاوێنە: درەنگانێكی شەوی رابردو لە ئۆتۆمبێلێكەوە تەقە لە لقی چواری پارتی دیموكراتی كوردستان لە سلێمانی کرا، به‌ڵام هیچ زیانێکی گیانی نەبوە.

له‌ وه‌ڵامی ئه‌و ته‌قه‌یه‌ش، پاسه‌وانه‌كانی لقی چوار ته‌قه‌یان كردوەو تا ئێستاش لایه‌نه‌ پەیوەندیدارەكان هیچ رونكردنه‌وەیەكیان لەوبارەیەوە نەداوە.

كامەران غەریب، كارگێڕی لقی چواری پارتی، ئەمڕۆ هەینی، بە میدیای رەسمی حزبەكەی راگەیاندوە، تەقەكان لەنێو ئۆتۆمبێلێكی جۆری "فۆرد قەمەرەی رەنگ رەش"ەوە لە بارەگانی لقەكەیان كراوە.

كامەران غەریب وتویەتی"سەعات 12:27 خوله‌كی شه‌و ئۆتۆمبێلێكی جۆری فورد قه‌مه‌ره‌ ره‌نگی ره‌ش گه‌یشته‌ به‌رده‌م باره‌گای لقی چواری پارتی و ده‌سترێژی له‌ باره‌گاكه‌مان كردوه‌و به‌ خۆشحاڵیه‌وه‌ زیانی گیانی نه‌بوه‌و پاسه‌وانه‌كانی لقیش وه‌ڵامی ته‌قه‌كه‌ره‌كانیان داوه‌ته‌وه."

وتوشیەتی"ئه‌و شوێنه‌ كامێرای لێیه‌و ژماره‌ی ئۆتۆمبێله‌كه‌ش ده‌ركه‌وتوه‌و ئێمه‌ش لایه‌نه‌ ئه‌منییه‌كان و پۆلیسی سلێمانیمان له‌و روداوه‌ ئاگادار كردۆته‌وه."

ئەوەشی خستۆتەڕو"تا ئێستا پۆلیس و ئاسایش هه‌ڵوێستی فه‌رمیان نییه‌ و لێكۆڵینه‌وه‌كان له‌ قۆناغی سه‌ره‌تاییدان و به‌ر‌ده‌وامن."

زۆرترین بینراو
سیستمی بەرگری مووشەکی لە هەرێمی کوردستان جێگیردەکرێت
لێدوانی‌ سەرۆكی دادگای فیدڕاڵی‌ لەبارەی موچەی موچەخۆران‌و یاسای هەڵبژاردنی هەرێمی كوردستان
زانا مه‌لا خالد: هه‌ڵبژاردن كۆنفرانسی ناوخۆیی مه‌ڵبه‌ندو كۆمیته‌كان نیه‌ تا به‌ تاكلایه‌نه‌ به‌ڕێوه‌ی ببه‌ن
هه‌نگاوه‌كانی‌ پرۆسه‌ی‌ به‌بانكیكردنی‌ موچه‌ی‌ موچه‌خۆران لەبانکه‌كانی ڕەشیدو ڕافیدەین بڵاوكرایه‌وه‌
راگەیەندراوی‌ ئەنجومەنی سەرکردایەتی یەکێتی لەبارەی هەڵبژاردنه‌وه‌
وەزارەتی دارایی ھەرێم: جێبه‌جێكردنی‌ پرۆژه‌ی‌ ھەژماری من پێویستی‌ به‌بڕیاری‌ دادگای‌ فیدراڵییه‌
ئامادەکردنی لیستی موچەی مانگی پێنج بەپلەبەرزکردنەوەوە بەردەوامە
کۆمسیۆن وادەى دەستپێکردنى بانگەشەى هەڵبژاردنى پەرلەمانی هەرێمی دیاری کرد
به‌رپرسێكى ئه‌مریكی نوێترین زانیاریى له‌باره‌ى هێرشى ئیسرائیل بۆسه‌ر ئێران ئاشكراده‌كات
ناوى ئه‌و كۆمپانیا ئه‌مریكیانه‌ ئاشكراده‌كرێت كه‌ عێراق گرێبه‌ستى له‌گه‌ڵ كردون
© 2024 Awene Online, Inc. All Rights Reserved.
×