روانگەی سوری بۆ مافەكانی مرۆڤ رایگەیاند، درەنگانی شەوی رابردو لە نۆ هێرشی ئاسمانی ئەمریكادا بۆ سەر گروپەكانی نزیك لە ئێران لە شاری بوكەمال و دەوروبەری لەنزیك سنوری سوریاو عێراق، نزیكەی 20 چەكداری ئەو گروپانە كوژراون و برینداربون.
ئاوێنە: روانگەی سوری بۆ مافەكانی مرۆڤ، ئەمڕۆ شەممە، لە راگەیەندراوێكدا هێمای بۆ ئەوەش كردوە، هێرشە ئاسمانییەكانی ئەمریكا چەند پێگەیەكی سەربازی و بارێكی چەك و كۆگایەكی چەكی گروپە چەكدارەكانی لە شاری بوكەمال و دەوروبەری لە نزیك سنوری سوریاو عێراق كردۆتە ئامانج.
روانگەی سوری ئاماژەی بەوەشداوە، لەنێو كوژراوەكاندا كەسانی بیانی هەن كە سوری نین.