میدیای رەسمی لوبنان رایگەیاند، لە هێرشێكی ئیسرائیلدا بۆ سەر نوسینگەی حەماس لە ناوچەی باشوری بەیروت پایتەخت، جێگری سەرۆكی مەكتەبی سیاسیی بزوتنەوەی حەماس كوژرا.
ئاوێنە: ئاژانسی رەسمی لوبنان بڵاویكردۆتەوە، ئیسرائیل لەڕێگەی درۆنەوە نوسینگەیەكی بزوتنەوەی حەماسی لە باشوری بەیروتی پایتەخت كردۆتە ئامانج و لە ئاكامدا چوار كەس كوژراون و ژمارەیەكی دیكەش برینداربون.
ئەوەشی خستۆتەڕو، یەكێك لەوانەی كوژراون ساڵح عاروری، جێگری سەرۆكی مەكتەبی سیاسیی بزوتنەوەی حەماس بوە.