رێکخراوی داعش بەرپرسیارێتیی خۆی لە دو تەقینەوەكەی دوێنێی شاری كرمانی ئێران راگەیاند كە تێیاندا 84 كەس كوژران و بە دەیانی دیكەش برینداربون.
ئاوێنە: پاشنیوەڕۆی دوێنێ چوارشەممە، دو تەقینەوە لە نزیك گۆڕی قاسم سولەیمانی، فەرماندەی پێشوی فەیلەقی قودسی سوپای پاسداران رویاندا كە ئەوەش هاوكات بو لەگەڵ یادی چوار ساڵەی کوژرانی ناوبراو كە خەڵکێکی زۆر چوبونە سەر گۆڕەکەی لە شاری کرمان كە بەپێی میدیای رەسمی ئێران لە تەقینەوەكاندا 84 كەس كوژراون و 284 كەسی دیكەش برینداربون.
ئەمڕۆ پێنجشەممە، رێكخراوی داعش لەڕێگەی تێلیگرامی خۆیەوە رایگەیاند، تەقینەوەکان بە پشتێنی بۆمبڕێژکراو لە لایەن دو خۆکوژەوە ئەنجامدراون.