وتەبێژی سەربازیی حوسییەكانی یەمەن دەڵێت، لە هێرشەكانی بەرەبەیانی ئەمڕۆی ئەمریكاو بەریتانیادا بۆ سەر پێنج پارێزگای یەمەن، پێنج چەكدارییان كوژراون.
ئاوێنە: یەحیا سەریع، وتەبێژی سەربازیی حوسییەكان، لە راگەیەندراوێكدا وتی، ئەمریكاو بەریتانیا 73 هێرشیان كردۆتە سەر پێگە سەربازییەكانیان لە پێنج پارێزگای یەمەن.
بەپێی قسەی وتەبێژەكە، لە ئەنجامی هێرشەكان پێنج چەكداریی حوسییەكان كوژراون و شەش چەكداری دیكەش برینداربون.
جەختیشی كردۆتەوە كە ئەو هێرشانەی ئەمریكاو بەریتانیا "بێ وەڵام و سزا نامێننەوە."