رێكخراوی مافی مرۆڤی هەنگاو رایگەیاند، لە ساڵی 2023دا، 32 بەندكراو لە بەندیخانەكانی كۆماری ئیسلامی گیانیان لەدەستداوەو لانیكەم 11 بەندكراویش لەژێر ئەشكەنجەدا كوژراون.
ئاوێنە: رێكخراوەكە لە راپۆرتێكدا وتویەتی، لە ساڵی ٢٠٢٣ی زایینی لانیکەم ٣٢ بەندکراو لە بەندیخانەکان و دەستبەسەرگەکانی کۆماری ئیسلامی ئێران گیانیان لەدەست داوە.
ئەوەشی خستۆتەڕو، دو بەندکراو ماوەیەکی کورت لە دوای ئازادی گیانیان لە دەست داوە و تۆمەتبارێک لە کاتی هەڵهاتن بە تەقەی ڕاستەوخۆی هێزەکانی ئیدارەی ئیتلاعات کوژراوە.
ئاماژەی بەوەشداوە، لە ساڵی ڕابردو 9 بەندکراوی سیاسی گیانیان لەدەست داوە و لانی کەم 11 بەندکراو لە ژێر ئەشکەنجەدا کوژراون.
بەپێی راپۆرتەكەی هەنگاو ٦٠٪ ی قوربانیەكان بەندکراوانی کورد بون.