بەهۆی ناجێگیری رەوشی کەشوهەواوە ئەمڕۆ لە پێنج پارێزگای عێراق کرایە پشووی فەرمی.
دوای ئەوەی دەستەی کەشناسی و بومەلەرزەزانیی عێراق پێشبینییەکانی رەوشی کەشوهەوای بڵاوکردەوە و ئاشکرایکرد شەپۆلێکی توندی بارانبارین بەشێک لە ناوچەکانی عێراق دەگرێتەوە لە هەریەک لە پارێزگاکانی نەجەف، بابل، دیوانییە، زیقار و موسەننا کرانە پشووی فەرمی جگە لە دامەزراوە خزمەتگوزارییەکان.
پشووی ئەو پارێزگایانە بەمەبەستی لە خۆپارێزییە لە ئەگەری دروستبوونی لافاو لە ناوچەکانیاندا.
جگە لە ئەمڕۆ بڕیارە سبەینێ دووشەممە لە چەند پارێزگایەک بەهۆی رێورەسمی نیوەی مانگی شەعبان پشووی فەرمی بێت لەوانەش (میسان، بەسرە، موسەننا، زیقار، کەربەلا، واست و بابل).
هیچ کام لەو پشووانەی راگەیەندراون پارێزگاکانی هەرێمی کوردستان ناگرنەوە.