ئاوات شێخ جەناب، وەزیری داراییو ئابوریی حكومهتی ههرێمی كوردستان دهڵێت، دەرگای وەزارەتو سەرجەم بەڕێوبەرایەتیو گەنجینەکان کراوەیە بۆ هەر وردبینیو بەدواداچونێک لەلایەن تیمە هاوبەشەکانی دیوانی چاودێری دارایی عێراقەوە ئهنجامبدرێت.
ئاوێنه: ئەمڕۆ یەكشەممە وهزارهتی دارایی بڵاویكردهوه، ئاوات شێخ جەناب پێشوازی کرد لەوهفدێکی دیوانی چاودێری دارایی عێراق کە پێکهاتبون لە (حهیدر یوسف خلخال و عهلا حسێن محەمەد) بەڕێوەبەری گشتی لەدیوانی چاودێری دارایی عێراق.
بهگوێرهی ڕاگهیهندراوی وهزارهتی دارایی، وەزیری دارایی جەختی لەو هەماهەنگیو هاوکارییە کردووە کە ماوەی دوو ساڵە لەنێوان وەزارەتی دارایی و تیمە هاوبەشەکانی دیوانی چاودێری دارایی عێراق و هەرێمی کوردستان هەیەو ڕایگەیاند، دەرگای وەزارەت و سەرجەم بەڕێوبەرایەتی و گەنجینەکان کراوەیە بۆ هەر وردبینی و بەدواداچونێک لەلایەن تیمە هاوبەشەکانی دیوانی چاودێری داراییەوە.
ئهوهش خراوهتهڕو، سەردانی وهفدی دیوانی چاودێری دارایی عێراق لەچوارچێوەی کاری ئاسایی و وردبینی تیمە هاوبەشەکانی نێوان دیوانی چاودێری دارایی هەردولایە بۆ ڕاپۆرتەکانی تەرازوی پێداچونەوەی مانگانەو ئامادەکردنی ڕاپۆرتی شەش مانگی کۆتایی ساڵی ڕابردوی داهات و خەرجیەکانی هەرێمی کوردستانە.