تەیف سامی، وەزیری دارایی عێراق ڕایگەیاند، لە بەرژەوەندیی موچەخۆرانی هەرێمی کوردستان ئەمڕۆ بڕیاریانداوە.
لە دەستپێکى کۆبونەوەى لیژنەى دارایی پەرلەمانى عێراق و تەیف سامى، وەزیرى دارایی عێراقدا، نەرمین مەعروف ئەندامى لیژنەى دارایی پەرلەمانى عێراق لە وەزیرى دارایی عێراقی پرسی کەى شایستە داراییەکانى هەرێم دەنێرێت؟ لە وەڵامدا وەزیرى دارایی وتى: هەموو شتێکمان تەواو کردووە و بڕیارەکانمان لە بەرژەوەندى هەرێمى کوردستانە و پێویستە ئەوانیش هاوکارمان بن.
لە ئێستادا، تهیف سامی، وهزیری دارایی عێراق لەگەڵ لیژنەى دارایی پەرلەمانى عێراق کۆدەبێتەوە، بۆ تاوتوێكردنی بڕیاری دادگای باڵای فیدراڵی لهبارهی موچهی فهرمانبهرانی ههرێمی كوردستانهوه.
لە کۆبونەوەکەدا پرسی چۆنێتى جێبەجێکردنى بڕیارى دادگاى فیدراڵى بۆ دابەشکردنى موچەى موچەخۆرانى هەرێم لەلایەن بانکە حکومییەکانى عیراقەوە گفتوگۆى لەسەر دەکرێت.
ڕۆژى ٢١ى ئەم مانگە، دادگای باڵاى فیدراڵی حکومەتى عێراقی پابەندكرد موچەی فەرمانبەرانی هەرێم بخاتەسەر بانكە فیدراڵیەكانو خەرجیشی بكات و هەروەها، سەرۆک وەزیرانی هەرێمی کوردستانی پابەندکرد، ڕێگە بەچاودێری دارایی عێراق بکات وردبینی بکات.