عەلی حەمەساڵح، ئەندامی خولی پێشوی پەرلەمانی كوردستان ئاشكرایكرد، حوكمڕانانی هەولێر بە خاوەنەكانی سێ هەزار پارچە زەوییان وتوە، دەست لە زەوییەكانیان هەڵگبرن تا كۆمپانیایەك بیكات بە تاوەرو پڕۆژەی نیشتەجێبون.
ئاوێنە: عەلی حەمەساڵح، ئەمڕۆ شەممە، لەلاپەڕەی خۆی لە فەیسبوك نوسیویەتی"زیاتر لە سێ هەزار پارچە زەوی تاپۆ بەناوی خاوەنەکەیانە، چەندین ساڵە تاپۆیە، ئێستا حوکمڕانەکانی هەولێر بانگیان کردون، دەڵێن: دەست لەم زەویانەی خۆتان بەربدەن، کۆمپانیایەک حەزی لێیە بیکات بە تاوەرو پرۆژەی نیشتەجێبون."
بە قسەی عەلی حەمەساڵح ئەو شوێنە "قازانجی زۆرە"و دەكەوێتە "نێوان شەقامی 150 مەتری و 120 مەتری، بەرامبەر گوندی ئیسپانی."
ئەو ئەندامەی خولی پێنجەمی پەرلەمانی كوردستان ئەو كارەی بە "زوڵمی حوکمڕانانی هەولێر" ناوبردوە.