سهركردایهتیهكى یهكێتى ڕایدهگهیهنێت، ئهوان بهباشى خۆیان بۆ ههڵبژاردنى خولى شهشهمى پهرلهمانى كوردستان ئامادهكردوه، دهشڵێت:"هیچ دەرچەیەکی دیکەمان نییە جگە لەبەغدا، قوڵایی ستراتیژی هەرێمی کوردستانیش بەغدایە".
ئاوێنە: لوقمان وەردی ئەندامی سەرکردایەتییو بەرپرسی مەڵبەندی ڕانیەی یەکێتیی نیشتمانی کوردستان ڕایگهیاند، "لەم هەڵبژاردنەدا یەکێتی خۆی زۆرباش ئامادەکردوەو ژمارەی کورسییەکانی زیاد دەکات، ئومێدی زۆرمان هەیە ئەم هەڵبژاردنە نەخشەی سیاسیی هەرێمی کوردستان بگۆڕێت".
سهركردایهتیهكهى یهكێتى باسی لهوهشكردوه، "خەڵکی هەرێمی کوردستان توشی تەنگژەیەکی قوڵی ئابوریی بون، ئابوریی سەربەخۆو هەناردەکردنی نەوتمان تاقیکردەوەو تێیدا سەرنەکەوتین، بۆیە هیچ دەرچەیەکی دیکەمان نییە جگە لەبەغدا، قوڵایی ستراتیژی هەرێمی کوردستانیش بەغدایەو وەرگرتنی موچە لەعێراق هیچ لەپایەکانی حوکمڕانی قەوارەی سیاسی هەرێمی کوردستان کەمناکاتەوە".
سهبارهت بهكورسیی كۆتاكانو كهمكردنهوهی ژمارهی كورسییهكانی پهرلهمان، لوقمان وەردی جهختیكردهوه، "ئێمە لەسکاڵاکەماندا تێبینیمان لەسەر شێوازی نوێنەرایەتیی پێکهاتەکان لەپەرلەمانی کوردستان هەبوو، ئەگینا پێکهاتەکان بەهاوڵاتیی ڕەسەنی هەرێمی کوردستان دەزانینو یەک لەشانازییەکانی حوکمڕانیی ئێمە ئەوەیە کە پێکهاتەکان بەشدارییان لەپرۆسەی سیاسیدا هەیە".