کەشناسیی هەرێم ڕایگەیاند، ئەمڕۆ هەینی لە ناوچە جیاوازەکان نمەباران دەبارێت و خێرایی با لەسەرخۆ و مامناوەند دەبێت، هەروەها سبەینێ ئاسمان هەور دەبێت و بە گشتیی ئەگەری نمەباران هەیە.
کەشناسیی هەرێمی کوردستان لەبارەی دۆخی کەشوهەوای ئەمڕۆ و سبەینێوە ڕاگەیاندراوێکی بڵاو کردەوە.
کەشناسی هەرێم ڕایگەیاند، ئەمڕۆ هەینی لە ناوچە جیاوازەکان نمەباران دەبارێت و خێرایی با لەسەرخۆ و مامناوەند دەبێت و پلەکانی گەرما یەک دوو پلە دادەبەزن.
هەروەها لەبارەی کەشوهەوای سبەینێەوە کەشناسیی دەڵێت: ئاسمان هەور دەبێت و بە گشتیی ئەگەری نمەباران هەیە، لە سنووری پارێزگای دهۆک و ناوچە شاخاوییەکانیش مامناوەند و تاوە باران دەبارێت.