دادگای باڵا لە سعودیە داوای لە هاوڵاتیانی وڵاتەکەی کرد، ئێوارەی رۆژی یەکشەممەی داهاتوو چاودێریی بینینی مانگ بكه‌ن و له هه‌رێمی كوردستانیش وه‌زیرانی ئه‌وقاف چاودێریی مانگ و دیاریكردنی یه‌كه‌م رۆژی مانگی ره‌مه‌زانی پیرۆز ده‌كات.
شێخ ئیبراهیم بەرزنجی، بەرپرسی توێژینەوە، ئیرشاد و رێنماییەکانی وەزارەتی ئەوقافی هەرێمی کوردستان ئەمڕۆ هەینی رایگه‌یاند: "لە رێگەی لیژنەی بینینی مانگەوە ئاشكرای دەکەین کە دووشەممە یەکەم رۆژی رەمەزان دەبێت یان سێشەممە".
وتیشی بڕیارە لیژنەکە پێش نوێژی ئێواره‌ی یەکشەممە چاودێری بینینی مانگ بکات و دوای نوێژ ئەنجامەکەی رابگەیێنن.
هه‌ر ئەمڕۆ هەینی (دادگای باڵا لە سعودیە داوای لە هاوڵاتییانی وڵاتەکەی کرد، ئێوارەی رۆژی یەکشەممە 10ی ئازاری 2024 چاودێری بینینی مانگ بکەن بۆ دیاریکردنی یەکەم رۆژی مانگی رەمەزانی پیرۆز.