وتەبێژی یەكێتیی نیشتمانیی كوردستان دەڵێت، حزبەكەیان پابەندە بە وادەی هەڵبژاردنی پەرلەمانی كوردستان لە 10ی 6ی 2024.
ئاوێنە: سەعدی پیرە، وتەبێژی یەكێتیی نیشتمانیی كوردستان، ئەمشەو دوشەممە، لە رونكردنەوەیەكدا وتی"یەکێتیی نیشتمانیی کوردستان پابەندە بە وادەی هەڵبژاردنی پەرلەمانی کوردستان لە 10ی 6ی 2024 وەکو لەلایەن بەڕێز سەرۆکی هەرێم بڕیاری لەسەر دراوە."
سەعدی پیرە وتوشیەتی"یەکێتی رای وایە هەڵبژاردنی پەرلەمانی کوردستان باشترین ڕێگایە بۆ قوڵکردنەوەی زیاتری دیموکراسی و تێپەڕاندنی ئەم بارودۆخە ئاڵۆزەی ناوخۆ و ناوچەکە بەگشتی."
ئاماژەی بەوەشداوە "چالاککردنەوەی پەرلەمان گرنگە بۆ ئەنجامدانی ئەرکە یاسایی و سەرەکییەکانی و چارەسەرکردنی کێشەو گرفتە فرە رەهەندەکانی کۆمەڵانی خەڵکی کوردستان."