موجته‌با خامنه‌یی، رێبه‌ری باڵای ئێران رایده‌گه‌ینێت، به‌شداری ملیۆنان عێراق له رێوڕه‌سمی ماڵئاوایی عه‌لی خامنه‌یی له عێراق، ئه‌و هاوكێشانه‌ی گۆڕی كه پێشتر ئه‌مریكا دایڕشتبون.
ئاوێنه: موجتەبا خامنەیی، رێبه‌ری باڵای ئێران پەیامێكی سوپاسگوزاری ئاڕاسته‌ی گەلی عێراق كرد سەبارەت بەشدارییان لە رێورەسمی پرسەی عەلی خامنەیی و ئه‌و به‌شدارییه‌ی به "داستانێكی مەزن و پڕ لە واتا" ناودەبرد.
رێبه‌ری باڵای ئێران وتی، ئەو کاروانە بێوێنەیەو پرسە ملیۆنییە بێوێنەیەی ئاڵاهەڵگرانی مقاوەمە، یەکڕیزی و برایەتی و رێبازی هاوبەشی نێوان گەلانی عێراق و ئێرانی بە تەواوی بەرجەستە کرد، كە بێ گومان دڵی خۆبەزلزانەکانی لەرزاند.
ئاماژه‌ی به‌وه‌شدا، کاتێک سەیری دیمەنە سەرسوڕهێنەرەکانی ئەم کۆبوونەوە گەورەیەیان دەکرد لە عێراق، بینیان چۆن ئەو بڕە پارە زۆرەی کە ئەمریكا بۆ تێکدانی پەیوەندییەکانی نێوان هەردو گەل بەكارینهێنا، بەهەواداچو.
رابەری باڵای ئێران وتیشی، ئامادەبونی دەیان ملیۆن کەس لە ئێران و عێراق، بۆ ماتەمینی و ماڵئاوایی لە خامنه‌یی، وەرزێكی نوێی رابونی هێناوەتە ئاراوە و بەشداری کردوە لە گۆڕینی ئەو هاوکێشانەی کە پێشتر خۆبەزلزانەکان دایانڕشت، ئەمریکا له‌وه تێگه‌یشتوه كه مانه‌وه‌ی به‌بێ كێشه له ناوچه‌كه‌دا ناوچەکەدا جگە لە خه‌یاڵێكی خاو هیچی تر نییه.