رۆژنامەنوس نیاز عەبدوڵڵا بە كاتی ئازادكرا
  2020-03-01       1719       
رۆژنامەنوس نیاز عەبدوڵڵا كە ئەمڕۆ لەسەر سكاڵایەك چووە بەردەم دادگا لە هەولێر، بە كاتی ئازادكرا.

ئاوێنه‌: نیاز عەبدوڵا ئەمڕۆ دواى ئەوەی لەسەر سكاڵایەكی مەتین بارزانی چووە بەردەم دادگای هەولێر، پاش وەرگرتنی وتەكان بە كاتی ئازادكرا. 

نیاز عەبدوڵا، كەیسەكانیان بە پێی یاسای خراپ بەكارهێنانی ئامێرە ئەلیكترۆنییەكان جوڵێنراوە، لە كاتێكدا كەیسەكانیان پەیوەندی بە رۆژنامەگەرییەوە هەیە.

دوێنێ رێكخراوی ئازاد بوون لە راگەیەندراوێكدا بڵاوی كردەوە كە  " كە بڕیارە سبەی 1/3/2020 خاتوو نیاز عەبدوڵا؛ رۆژنامەنوسی دیار و جێگری سەرۆكی رێكخراوەكەمان (رێكخراوی ئازادبوون) لەدادگای كەتنی هەولێر لەسەر كەیسێك دادگایی بكرێت، كە دوور و نزیك پەیوەندی بەوەوە نییە، چونكە ئەو نە سەرنوسەری درەو میدیایە و نە بەشداریشبووە لەئامادەكردنی ئەو راپۆرتەدا كە لەسەر روداوەكەی (ریستۆرانتی هۆقەبازی شاری هەولێر) لەسایتی درەو میدیا بڵاوكراوتەوە نە ناویشی لەسەر ڕاپۆرتەکە نوسراوە.

ئاماژه‌ی به‌وه‌شداوه‌ "شایەنی باسە ئەو راپۆرتە لەلایەن چەند رۆژنامەنوسێكی ترەوە نوسراوە، بەڵام جێگای پرسیار و سەرسوڕمانە سكاڵاكار (مەتین بارزانی) بە گوێرەی مادەی ٢ لە یاسای خراپ بەکارھێنانی مۆبایل و ئامێرە ئەلکترۆنییەکان سكاڵای لەسەر رۆژنامەنوس‌و جێگری سەرۆكی رێكخراوەكەشمان تۆماركردوە کە سزاکەی مادەکە پێکھاتووە لە زیندانیکردن ٦ مانگ بۆ ٥ ساڵ یان قەرەبوی ١ملیۆن بۆ ١٥ ملیۆن دینار".
 
زۆرترین بینراو
© 2024 Awene Online, Inc. All Rights Reserved.
×