لەكۆبونەوەی ئەمڕۆی نێوان سەرۆكی هەرێم و لایەنە سیاسییەكان، جهخت له گرنگيى يهكڕيزى، تهبايى، گفتوگۆ و لێكگهيشتنی نێوان
لايهنه سياسييهكان و پڕۆسەی چاكسازی كراوەتەوە لەگەڵ كاركردن بۆ پاراستنی
ئازادییەكان و ئازادی رادەربڕین.
ئاوێنە: ئهمڕۆ پێنجشهممه نێچيرڤان بارزانى، سهرۆكى ههرێمى كوردستان لهگهڵ
هێز و لايهنه سياسييهكانى ههرێمى كوردستان كۆبوهوه.
بەپێی
راگەیەندراوێكی سەرۆكایەتی هەرێم، له كۆبونهوهكهدا كه جێگرانى سهرۆكی
هەرێم ئامادهى بون، بارودۆخى عێراق و ناوچهكه، پهيوهندييه دهرهكييهكانى ههرێمى
كوردستان، سهردانى نێچيرڤان بارزانى بۆ
فهرهنسا، ڕۆڵى ههرێمى كوردستان له هاوكێشه سياسييه تازهكاندا، پهيوهندييهكانى
ههولێرـبهغدا، ديالۆگى ستراتيژيى ئهمهريكاـعێراق و بهشدارى و ڕۆڵى ههرێمى
كوردستان تيايدا، ههڵبژاردنهكانى عێراق، بارودۆخى ناوخۆ و پهيوهنديى نێوان پێكهاته
و لايهنه سياسييهكان، تاوتوێ كرا.
بەگوێرەی
راگەیەندراوەكە، له كۆبونهوهكهدا له كهشێكى ڕاشكاو و كراوهدا كێشهو
نيگهرانييهكان خرانهڕو و جهخت له پێويستى و گرنگيى
يهكڕيزى، تهبايى، گفتوگۆ و لێكگهيشتن لهنێوان لايهنه سياسييهكاندا بۆ چارهسهركردنى
كێشهكان، كرايهوه.
هەروەها كۆبونهوه پهسەندكردنى ياساى بودجهى عێراقى
به ههنگاوێكى ئهرێنى له بهرهوپێشچونى پهيوهندييهكانى نێوان ههرێمى
كوردستان و حكومهتى فيدراڵى عێراق له قهڵهم داو هيواى خواست ياساكه جێبهجێ
بكرێت و ڕهنگدانهوهى ئهرێنى بهسهر ژيان و گوزهرانى هاوڵاتيان
و دۆخى ئابوريى عێراق و ههرێمى كوردستانهوه ههبێت و ڕێخۆشكهر بێت بۆ چارهسهركردنى
كێشهكانى نێوان ههردولا لهسهر بنهماى دهستورو له چوارچێوهى سيستمى فيدرڵيدا.
هەروەك له كۆبونهوهكهدا جهخت كرايهوه كه دۆخى ئێستاى ههرێمى
كوردستان و دهستهبهركردنى مافه دهستورييهكان، پاراستنى دهسكهوتهكان و ههنگاونان
بۆ ئايندهيهكى باشتر، واقعبينى و ههستكردن به بهرپرساريهتيى ههموان، پێكهوهكاركردن،
هاوبهشى، تهبايى و يهكڕيزى دهخوازێت و به گرنگييهوه
جهختى له پرۆسهى چاكسازى و كاركردن بۆ باشتركردنى گوزهرانى هاوڵاتيان و پێويستيى
پاراستنى ئازادييهكان و ئازاديى ڕادهربڕين و دانانى چوارچێوهو ميكانيزمێك بۆ بهردهواميى
ئهم كۆبونهوانه كردهوه.
نێچيرڤان بارزانى دوپاتى كردهوه كه تاكه ڕێگهى تێپهڕاندنى كێشه و قهيرانهكان
و پاراستنى ماف و دهسكهوتهكان و پێگهى دهستورى و فيدراڵيى ههرێمى كوردستان،
تهبايى و پێكهوهيى و يهكڕيزييه، سهرۆكايهتيى ههرێمى كوردستانيش لهم پێناوهدا
بهردهوام دهبێت و به چهترى كۆكهرهوهى ههموان دهمێنێتهوه.