2021-06-14 599
هەپەگە بە ئاماژەدان بەوەی کە لە گردی زەندورا داستانێکی قارەمانێتی دەنووسرێتەوە، ڕایگەیاند کە سوپای داگیرکەری تورک گازی کیمیایی بەکاردێنێت.
ئەمڕۆ ناوەندی ڕاگەیاندنی هێزەکانی پاراستنی گەل- هەپەگە، لەسەر بەرخۆدانی گەریلاکانی بەرامبەر هێرشەکانی دەوڵەتی داگیرکەری تورک و هەروەها بەکارهێنانی گازی ژەهراویی لەلایەن سوپای تورکەوە ڕاگەیەنداروێکی بڵاوکردەوە.
هەپەگە لە ڕاگەیەندراوەکەیدا ئاماژە بەوەدەکات، کە لە گردی زەندورای هەرێمی مەتینا، بەرامبەر هێرشەکانی دەوڵەتی داگیرکەری تورک، بەرخۆدان و داستانی قارەمانانە دەنووسرێتەوە.
هەروەها، ڕایگەیاند، کە سوپای داگیرکەری تورک، لەدژی گەریلاکانی ئازادیی کوردستان گازی کیمیایی بەکاردێنێت، ئەوەشی ڕایگەیاندووە: لە شوێنێ کۆبوونەوەکانیاندا سەربازانی سوپای تورک، جل و دەمامکی تایبەت بە گازی کیمیاوی بەکاردێنن.