ئێوارەی ئەمڕۆ پێنجشەممە، نرخی نەوت بەشێوەیەكی نزمترین ئاستی خۆی لە ماوەی
سێ مانگی رابردودا تۆماركرد ئەوەش لە سایەی ترس لە دابەزینی ئاستی خواست و هەروەها
بەرزبونەوەی بەهای دۆلاری ئەمریكی.
ئاوێنە: ئێوارەی ئەمڕۆ نرخی یەك بەرمیل نەوتی خاوی برێنت لە بازاڕەكانی
جیهاندا زیاتر لە یەك دۆلارو 30 سەنتی لەدەستداو لە ئێستادا بە 66.90 دۆلار
مامەڵەی پێوەدەكرێت.
هەرچی نرخی یەك بەرمیل نەوتی خاوی تەكساسە زیاتر لە 1.40 دۆلاری لەدەستداو
لە ئێستادا بە 64.02 دۆلار مامەڵەی پێوە دەكرێت.
بەپێی رۆیتەرز ئەو نرخەی نەوت نزمترین ئاستە لە 21ی 5ی ئەمساڵەوە
تۆماركراوە.
رۆیتەرز چەند هۆكارێكی بۆ دابەزینی نرخی نەوت خستۆتەڕو، لەوانە: بونی ترس
لای وەبەرهێنەران لەبارەی دابەزینی ئاستی خواست لەسەر ئەو وزەیە ئەوەش لە سایەی بەرزبونەوەی
ئامارەكانی كۆرۆناو هەروەها بەرزبونەوەی بەهای دۆلار لەسەر ئاستی جیهان.