سێ پێگه‌ی بنكه‌ سه‌ربازیه‌كه‌ی سوپای ئه‌مریكا كراوه‌ته‌ ئامانج
  2021-10-21       268       
بنكه‌ی سه‌ربازی ته‌نه‌فی هێزه‌كانی ئه‌مریكا كه‌ ده‌كه‌وێته‌ سێگۆشه‌ی نێوان سنوره‌كانی سوریا و عێراق و ئوردن، ئه‌مشه‌و له‌ڕێگه‌ی هێرشێكی موشه‌كیه‌وه‌ كرایه‌ ئامانج و تا ئێستاش زه‌ره‌ر و زیانه‌كان نه‌زانراون.

ئاوێنه‌: به‌گوێره‌ی ئاژانسه‌كان، ئه‌مشه‌و له‌سه‌رچاویه‌كی نادیاره‌وه‌ و به‌ فڕۆكه‌ی بێفڕۆكه‌وان هێرشكراوه‌ته‌ سه‌ر بنكه‌ی سه‌ربازی ته‌نه‌ف، به‌رپرسێكی سه‌ربازی فه‌ فه‌رمانده‌ی ناوه‌ندیی ئه‌مریكاش، هێرشه‌كه‌ی پشتڕاستكردوه‌ته‌وه‌.

له‌زانیاریه‌كاندا هاتوه‌، سێ پێگه‌ی بنكه‌ سه‌ربازیه‌كه‌ی سوپای ئه‌مریكا كراوه‌ته‌ ئامانج، تا ئێستاش زه‌ره‌ر و زیانه‌كان نه‌زانراون.

له‌لای خۆشیه‌وه‌ ڕوانگه‌ی سوریا بۆ مافه‌كانی مرۆڤ بڵاویكردوه‌ته‌وه‌، له‌ بنكه‌ی ته‌نه‌ف كه‌ ده‌كه‌وێته‌ سێگۆشه‌ی نێوان سنوره‌كانی سوریا و عێراق و ئوردنه‌وه‌ ده‌نگی چه‌ند ته‌قینه‌وه‌یه‌كی گه‌وره‌ بیستراوه‌ و ئاگرێكی گه‌وره‌ له‌ بنكه‌ سه‌ربازیه‌كه‌ به‌رزبوه‌ته‌وه‌.

بنكه‌ی سه‌ربازی ته‌نه‌ف كه‌ بنكه‌یه‌كی سه‌ر به‌هاوپه‌یمانی نێوده‌وڵه‌تیه‌ به‌رابه‌رایه‌تی ئه‌مریكا له‌ساڵی 2014 به‌ئامانجی روبه‌ڕوبونه‌وه‌ی داعش دروستكراوه‌ و به‌دوری 24 كیلۆمه‌تر له‌ ده‌روازه‌ی سنوری وه‌لیدی سنوری نێوان هه‌رسێ وڵاتی عێراق و سوریا و ئوردنه‌وه‌ دوره‌ و ده‌كه‌وێته‌ پارێزگای حمسه‌وه‌، 
زۆرترین بینراو
© 2021 Awene Online, Inc. All Rights Reserved.
×