نرخی نەوت زیاتر لە 2%ی بەهای خۆی لەدەستدا
  2021-11-26       215       

ئەمڕۆ هەینی، نرخی نەوت لە بازاڕەكانی جیهاندا زیاتر لە لەسەدا 2ی بەهای خۆی لەدەستدا، ئەوەش بەهۆی نیگەرانییەكان لە زیادبونی خستنەڕوی نەوت لە بازاڕەكانی جیهان و هەروەها نیگەرانی سەرمایەگوزاران لەوەی جۆرە گۆڕاوە نوێیەكەی كۆرۆنا زیان بە ئاستی خواست بگەیەنێت.

ئاوێنە: بەپێی ئاژانسی رۆیتەرز، ئەمڕۆ هەینی، نرخی نەوتی برێنت بەردەوام بوە لە دابەزین، بەشێوەیەك كە لەسەدا 2.1ی بەهای خۆی لە دەستداوەو نرخی یەك بەرمیلی بە 80.53 دۆلار مامەڵەی پێوەكراوە.

هەروەك نرخی نەوتی تەكساسیش لەسەدا 2.6ی بەهاكەی خۆی لەدەستداوەو نرخی یەك بەرمیلی بە 76.35 دۆلار مامەڵەی پێوەكراوە.

رۆیتەرز دو هۆكاری دیاریكردون بۆ دابەزینی نرخی نەوت، كە یەكەمیان ترسە لە زیادبونی خستنەڕوی نەوت لە بازاڕەكانداو دوەمیان ترسە لەوە بڵاوبونەوەی جۆرە گۆڕاوە نوێیەكەی كۆرۆنا، زیان بە ئاستی خواست لەسەر نەوت، بگەیەنێت.

زۆرترین بینراو
© 2022 Awene Online, Inc. All Rights Reserved.
×