وەزیری خوێندنی باڵا و توێژینەوەی زانستیی هەرێمی کوردستان رایگەیاند، رۆژی یەکشەممەی داهاتوو پێشکەشکردن بۆ خوێندنی ماستەر، دکتۆرا و دیپلۆمی باڵا دەستپێدەکات.
ئاوێنە: ئارام محەمەد قادر وەزیری خوێندنی باڵا و توێژینەوەی زانستی ئەمڕۆ لە کۆنگرەیەکی رۆژنامەوانیدا رایگەیاند، هەنگاوەکانی پرۆسەی پێشکەشکردن بۆ خوێندنی ماستەر، دکتۆرا و دیپلۆمی باڵا گەیشتوونەتە کۆتایی و ئەمڕۆ وادەی دەستپێکردنی پێشکەشکردن رادەگەیەنین.
راشیگەیاند، کە شەش هەزار کورسی بۆ هەرسێ قۆناغەکە تەرخانکراوە و فەرمانبەران و هاوڵاتییانی دیکەش دەتوانن داواکاری پێشکەش بکەن.
ئاماژەی بەوەشکرد کورسییەکان بەمجۆرە دابەشبوون، کورسییەکان بۆ دیپلۆمی باڵای یەکساڵەی ئەکادیمی 2308 و دیپلۆمی باڵای دوو ساڵەی پزیشکی 160 کورسی، ژمارەی کورسییەکان بۆ خوێندنی ماستەر 3312 کورسی و خوێندنی دکتۆرا 1834 کورسی تەرخانکراوە.
سەبارەت بە دەرماڵەی خوێندکارانی زانکۆکان ئارام محەمەد قادر رایگەیاند، ئەوەی وەزارەتی خوێندنی باڵا ئەرکێتی لەوبارەیەوە جێبەجێیکردووە و چەند هەنگاوێکی کەمی ماوە لە وەزارەتی دارایی و نابێت رێگەبدێت خوێندکاران بەبێ دەرماڵە ساڵی خوێندن تەواوبکەن.
باسی لە دامەزراندنی یەمەکانی زانکۆ کرد و وتی، هەوڵی زۆردراوە و لەگەڵ لایەنە پەیوەندیدارەکان گفتوگۆکراوە و لە بەغدادەوە بەڵێنمان پێدراوە و چاوەڕێی ئەوەین .