بە هۆی هەڕەشەکانی ئێرانەوە، کۆچەرییەکانی برادۆست کوێستانەکانیان چۆڵ کرد.
ئاوێنە: ناوەڕاستی ئەم هەفتەیە ئەو وادەیەی ئێران بۆ چەکداماڵینی پارتەکانی ڕۆژهەڵاتی کوردستان دایناوە، کۆتایی دێت و بە هۆیەوە ناسەقامگیریی لە سنووری برادۆست دروست بووە.
شەوی ڕابردوو قائیمقامیەتی قەزای سیدەکان کۆچەرییەکانی ئاگادارکردەوە کە لە ماوەی 24 کاتژمێردا کوێستانەکان چۆڵ بکەن.
سێشەممەی داهاتوو (19ی ئەیلول) وادەکەی ئێران کۆتایی بێت و بەو هۆیەشەوە چەند ڕۆژێکە سوپای پاسداران هێز بۆ ناوچە سنوورییەکان ڕەوانە دەکات.