ڕۆژاڤا، قەڵغانی مرۆیی

شێرکۆ کرمانج
  2019-10-09     385
بەرگری و بەرخۆدان لە ڕۆژاڤا و لە سەرتاسەری کوردستان تاکە ڕێگەی پوچەڵکردنەوەی پلانەکانی ترەمپ و ئەردۆگانە. بەرخۆدان دەبێتە مایەی دروستبوونی دەنگگەلی وا لە ئەمریکا و ئەوڕوپا کە ئەگەری ھەیە ترەمپ ناچار بە پەشیمانبوونەوەو سەرلەنوێ زەمانەتکردنەوەی پشتیوانی نێودەوڵەتی بکات بۆ ڕۆژاڤا.

وەک چۆن پارساڵ وەزارەتی بەرگری و کۆنگرێسی ئەمریکی ترەمپیان پەشێمان کردەوە ئەمجارەش ئەو ئەگەرە ھەیەو بەھێزیشە. خەڵکی کوردستان بە گەورەو بچوکی، بە ژن و پیاوی پێویستە ھاوکاری ڕۆژاڤا بن. ئەمانەی خوارەوە دەکرێت ھەندێک ستراتیجی کورتمەوداو درێژمەودا بن:

یەکەم، دروستکردنی قەڵغانی مرۆیی، درع البشری، لە پێش سوپای تورک لە سەر سنوری ڕۆژاڤا بە بەشداری کوردستانیان لە ھەر شوێنێک بن.

دووەم، خۆپیشاندانی ملێونی لە ھەموو شارەکانی کوردستان ھەر لە کرماشان تا دیاربەکر.

سێیەم، خۆپیشاندان لە پایتەختەکانی ئەوڕوپا.

چوارەم، مانگرتنی بەردەوام، داکوتان و چادر ھەڵدان، لە برۆکسل لە پێش بارەگای پەرلەمانی ئەوڕوپا و کۆشکی سپی یان کۆنگرێسی ئەمریکی لە واشنتۆن.


پێنجەم، لۆبیکردن لە ھەموو پایتەختەکانی دنیا بەمەبەستی فشارخستنە سەر حکومەتەکانی ئەوڕوپا و ئەمریکا.


شەشەم، سەردانیکردنی ئەندام پەرلەمانی ناوچەکەت لە حکومەتی نیشتیمانی ئەو وڵاتەی کە تێیدا دەژیت.

حەفتەم، پشتیوانی شەڕڤانان لە ڕۆژاڤا بەشێوەی ماددی و مەعنەوی بەھەر شێوەیەک کە لە تواناتدایە.


ھەشتەم، فشار خستنە سەر دەسەلاتدارانی ھەرێم و حیزب و لایەنەکان کە ھەموو ھەوڵ و تەقەلای خۆیان بخەنەگەڕ بۆ ڕێگریکردن و شکستپێھێنانی ھەوڵەکانی تورکیا.



ئەمانە ھەموویان گرنگن بەڵام گرنگیدان بە دروستکردنی قەڵغانە مرۆییەکە واچاکە ئەولەویەتی پێبدرێت. لەپاڵئەمانە ھەر شتێکی دیکە بە خۆت بە چاکی دەزانیت ھەقوایە درێخی لێ نەکەیت چونکە لەباربردنی ڕۆژاڤا لەناوچوونی کورد و کوردستانی بەدوادادێت.

زۆرترین بینراو
هۆکاری خێرابڵاوبونەوەی ڤایرۆسی كۆرۆنا لە جیهان دۆزرایەوە
خالید ره‌نجده‌ر: نیگه‌رانین مامۆستا كرێكار ڕاده‌ستی‌ ئه‌رده‌ن یان عێراق یان ئه‌مریكا كرابێته‌وه‌
رێژه‌ی مردن، باش و خراپی سیستمی ته‌ندروستی ده‌ره‌خات
"حكومه‌تی‌ هه‌رێم به‌نیازه‌ له‌مه‌ودوا 45 - 50 ڕۆژ جارێك موچه‌ دابه‌شبكات"
په‌رله‌مانتارێك بۆ به‌شیر حه‌داد: بەرنوێژیکردنی کۆمەڵگه‌ بەو شێوەیەی جەنابت، لای خوا قبوڵ نییە
هه‌شت په‌رله‌مانتاری‌ كورد له‌به‌غدا هۆشداری‌ ده‌ده‌نه‌ حكومه‌تی‌ هه‌رێم له‌باره‌ی‌ كه‌مكردنه‌وه‌ی‌ موچه‌
وه‌زیری‌ ناوخۆ ڕه‌تیده‌كاته‌وه‌ حكومه‌تی‌ هه‌رێم به‌نیازی‌ كه‌مكردنه‌وه‌ی‌ موچه‌ی‌ فه‌رمانبه‌ران بێت
وه‌زیری‌ ناوخۆ: بڕیارماندا قه‌ده‌غه‌كردنی‌ هاتوچۆ تا 10 رۆژی‌ دیكه‌ درێژبكه‌ینه‌وه‌
سوپای پاسدارانی ئێران بۆ له‌ناوبردنی كۆرۆنا هاوكاری ئه‌مریكا ده‌كات
موچه‌ی ژماره‌یه‌ك وه‌زاره‌ت و ده‌سته‌ دابه‌ش ده‌كرێت
© 2018 Awene Online, Inc. All Rights Reserved.
×