2019-10-05 1363
سەرۆک وەزیرانی عێراق رایگەیاند ''ئەنجوومەنی رووبەڕووبوونەوەی گەندەڵی چەند بڕیارێکی دەرکردووە دەربارەی ویست و داواکارییەکانی خۆپیشاندەران''.
ئاوێنه: نووسینگەی عادل عەبدولمەهدی، سەرۆکوەزیرانی عێراق رایگەیاند کە ئەنجوومەنی رووبەڕووبوونەوەی گەندەڵی ژمارەیەک بریاری دەرکردووە کە لەلایەن خۆپیشاندەرانەوە داواکراوە و لە راگەیەندراوەکەدا هاتووە، ''ئەنجوومەنی باڵای رووبەڕووبوونەوەی گەندەڵی بە سەرۆکایەتی عادل عەبدولمەهدی، سەرۆک وەزیرانی عێراق کۆبووەوە ژمارەیەک بریاری گرنگ دەرکراوە''.
هاوکات لە راگەیەندراوەکەدا دەشڵێت، ''تەوەرەکان خۆی لە ویست و داواکارییەکانی خەڵک و دۆسیەی نەوت و مولکی دەوڵەت و لەکار لادانی هەزار کارمەندی بیانی بینییەوە''.
لە بەردەوامی راگەیەندراوەکەدا سەرجەم تۆمەتەکانی سەر وەزیری تەندرووستی هەڵوەشێنراوەتەوە و بڕیاری بۆ دەرکراوە.
شایەنی باسە ئەنجوومەنی رووبەڕووبوونەوەی گەندەڵی رایگەیاند کە هەزار فەرمانبەر لەسەر تاوانەکانی بەکارهێنانی مولکی گشتی بە هەدەر و قۆرخکردنەوە دەرکراون.