‎دوای كۆتاییهێنان بەپەیوەندی نێوانیان كوردێك لەسوێد هاوڕێ كچكەی سەردەبڕێ
  2020-05-22       3650       

‎ئا: كاوە ڕەش 

 

‎ كچە هەرزەكارێكی سوێدی تەمەن ١٧ساڵ، بەناوی وێلما ئەندریسۆن، دوای ئەوەی سەردانی شوقەی هاوڕێ كوردەكەی دەكات،  بەناوی تیشكۆ ئەحمەد شاباز، بۆ ئەوەی شتەكانی بەرێتەوە،  لە١٤ تشرینی دووەمی ساڵی ڕابردوە دیار نامێنێت.


‎ڕۆژنامەی میترۆی بەریتانیانی  بڵاوی كردۆتەوە ‎بەرلەوەی كۆتایی بەپەیوەندیەكەیان بێت ئەو جووتە ماوەی دوو ساڵ بوە گێڵ فرێندو بۆی فرێندی یەكدی بوون.

 

بەپێی لێدوانی مێدیا لۆكاڵیەكانی سوێد ‎دوای ئەوەی پۆلیس دەستی بەگەڕان و پشكنین كردوە لەشوقەی ئەو كوڕە كوردە، پاشماوەی خوێنی كچەكە لەوێ دۆزراوەتەوە بەپێی ڕاپۆڕتی مێدیاكانیش لە٢٨ تشرینی دووەم، كەللە سەری  وێلما لەناو جانتایەكی جل و بەرگدا دۆزراوەتەوە، كەبەئەلیمنۆم و تێپ پێچراوەتەوە.


‎تیشكۆ ئەحمەد شاباز، تەمەن ٢٣ساڵ، بەڕەچەڵەك كوردێكی عێڕاقییەوە دانیشتوی وڵاتی سوێدە، پۆلیس ئەوی وەك بكوژی ئەو كچە ناساندوە، بڕیارە لە٢٦ی مانگی مایس، سەرەتای پرۆسەی دادگای كردنی دەست پێبكات.


‎فەرمانبەرانی پۆلیس هێشتا بەدوای بەشەكانی دیكەی جەستەی ئەو كچە هەرزەكارەدا دەگەڕێن، بۆ ئەوەی بیدۆزنەوە. 


‎تیشكۆ ئەحمەد، لەمانگی چواری ئەم ساڵ لەبەردەم فەرمانبەرانی  لێكۆڵەوەردا، جگە لەوەی حاشای كردوە كە ئەو (وێلما)ی كچە هاوڕێی كوشتبێ و دەڵێ "ئەگەر من بم كوشتبام هەرگیز سەرم نەدەبڕی، بەردەوام لەكاتی پرسیاری كارمەندانی لێكۆڵەرەوە بە no comment  بەبێ لێدوان وەڵامی داوەتەوە".


‎فەرمانبەرانی پۆلیس، بەهۆی پشكنینی دی ئێن ئەی و بەڵگەكانی بەردەستیان دەڵێن، پاشماوەی خوێنی وێلما و دی ئێن ئەی تیشكۆ لەسەر چەقۆی چێشتخانەی شوقەكە دۆزراوەتەوە، هەروەها ئەو شریت و تێپەی كە كەللە سەری ئەو كچە پێچراوەتەوە، كەبەسەر بڕدراوی دۆزراوەتەوە، شوێنی پەنجەمۆری ئەو كوڕەی پێوە بوە.


‎داواكاری گشتی دەڵێ، لەكاتی كوشتنی ئەو كچەدا، بەشێوەیەكی دڕندانە زەبروزەنگ و توندو تیژی زۆر بەكار هێندراوە.


‎ لیندا ئەندریسۆن، دایكی قوربانیەكە لە١٤ نۆڤەنبەر، پۆلیسی لەدیار نەمانی كچەكەی ئاگادار كردۆتەوە.


‎سەرجەمی  ٥٠٠٠هەزار كارمەندی پۆلیس، لەگەورەترین پرۆسەی گەڕاندا لەسوێد، هەوڵی چارەنوسی  ئەوكەچەیان داوە.


‎دایكی كچەكە دەڵێ، بەردەوام چۆتە بەردەگای شوقەێ دەزگیرانی كچەكەی و زەنگی دەرگای لێداوە، بەڵام ئەو كوڕە گوتویەتی "تەنها دەمەقاڵێان هەبوەو ئەو ڕایكردۆتە دەرێ، نازانێ بوكوێ چوە".


‎چاكەت و جانتای دەستی وێلمای ١٧ساڵ، هێشتا لەناو شوقەكە ماون، بۆیە دایكی دەڵێ "كچكەی بەبێ چاكەت و جانتاكەی شوقەكەی بەجێ نەهێشتوە".


‎هاوڕێكانی ئەو كچە لەوەسفی تیشكۆ ئەحمەدا دەڵێن "ئەو بەردەوام كۆنتڕۆڵی وێلمای  دەكرد، بەوەی چی بپۆشێ یاخود كەی و بۆ كوێ بچێت". هاوڕێكانیشی دەڵێن "بەر لەدیار نەمانی چۆتە شوقەی دەزگیرانەكەی تا كەل و پەلەكانی  بهێنێتەوە".


‎پرۆسەی دادگایی كردنی تیشكۆی ٢٣ساڵ، لە٢٦-٥-٢٠٢٠  دەست پێدەكات و دواتر دادوەر بڕیاڕی كۆتایی لەسەر كەیسی ئەو تاوانە دەردەكات.

زۆرترین بینراو
سەعدی پیرە: یەكێتی هەڵوێستی لەبارەی بڕیارەكەی پارتی بۆ بەشداری نەكردن لە هەڵبژاردن دەبێت
شاسوار عەبدولواحید: پێشنیار بۆ پارتی و یەكێتی دەكەم ماوەیەك ئۆپۆزسیۆن بن
مه‌كته‌بی سیاسی پارتی: به‌شداری هه‌ڵبژاردنێک ناكه‌ین بە نایاسایی و نادەستوری بەڕێوەبچێت
شه‌ش خاڵ بۆ نه‌بونی متمانه‌ به‌ "هه‌ژماری من" ئاشكراده‌كرێت
مامۆستایانی ناڕازی بۆ دەسەڵاتدارانی زۆنی سەوز: هەژماری من رابگرن و راستەوخۆ لیستی موچە بنێرن بۆ بەغدا
وەزارەتی دەرەوەی ئەمریكا: نیگەرانین لە راگەیەندراوەكەی پارتی بۆ بایكۆتی هەڵبژاردن
وەزارەتی دارایی ھەرێم بڕیاری دا، جیاوازیی مووچە و دەرماڵە بۆ بەشێك لە فەرمانبەران خەرج بكرێتەوە
بەیاننامەی تیمی یەکێتی لە حکومەتی هەرێم سەبارەت بەمووچە
هێمن هەورامی: بڕیارەكەی پارتی بۆ راستكردنەوەی ئەو هەڵەیەیە كە عێراقی لە فرە پێكهاتەوە بەرەو تاك پێكهاتە بردوە
ئەدهەم بارزانی: كار لەسەر بەلاڕێدابردنی دۆخەكە دەكرێت بۆ ئەوەی هەڵبژاردن نەكرێت
© 2024 Awene Online, Inc. All Rights Reserved.
×