ئەگەر مووچەخۆرێن پارێزگەها دهۆکێ هەمیا بسەنگینی، بەلکو هندی چارێکا مووچەخۆرێن هەر پارێزگەهەکا دی نابن. د دەمەکێ دا کو ئەگەر دەنگدەرێن پارێزگەها دهۆک بۆ حزبا دەستهەلاتدار دگەل پارێزگەهێن دی هەڤبەر بکەی، چەند بەرامبەری گشت پارێزگەهێن دیە. لەوا، پێدڤی ناکەت هێجەتا بگرین و بێژین خۆپیشاندەر ژ فلان حزبێ و ژ فیسار لایەنی بوون، پارتی بەرپرسە ژ دهۆکێ و خەلکێ نەرازی ژی گەلەکێ حەق و مافدارە.
ب هەمی رەنگەکێ ب کارئینانا پەیڤا “تێکدەر” بەرامبەر کەسێن کو داخوازا مافێن خو دکەن، شاش و ناڕەوایە. ما ئەگەر داوایا موچە و مافێن خو ژ حکۆمەتێ نەکەن، دێ ژ کێ کەن؟
ب کورتی، خۆپیشاندانا ئاشتیانە یا ئازادە و مافەکە کو ب یاسا هاتیە رێکخستن و یاسایا وێ ژی هند نەرمی یا تێدا هەی کو رێکێ ل لێدان، گرتن و سزادانا خۆپیشاندەران بگریت.
مووچە ژی مافێ سەرەکی یێ موچەخوریە، دانا مووچەی بۆ موچەخورێن کەرتێ گشتی، ژ ئەرکێن سەرەکی یێن حکومەتێیە. دەما مافێن خو ژ حکومەتێ داخواز دکەن، مەعنا وێ چەندێ نادەت کو وان ئەو حکومەت قەبول نینە، ب پێچەوانە، داخوازێ ژ حکۆمەتێ دکەن کو ئەرکێ خو بجهـ بگەهینیت و ب ڤێ داخوازا خو وەکو لایەنێ بەرپرسیار تەماشەی حکومەتێ دکەن.