ئەندامێکی خانەی راپەڕاندنی گۆڕان رایگەیاند، ئەگەر پارتی بەشداری لە هەڵبژاردنی خولی شەشەمی پەرلەمانی کوردستان نەکات، رەنگە رێگە نەدات پرۆسەکە لە هەولێر و دهۆک بەڕێوەبچێت.
سەفین مەلا قەرە، ئەندامی خانەی راپەڕاندنی بزووتنەوەی گۆڕان و ئەندامی وەفدی حزبەکەی بۆ کۆبوونەوە لەگەڵ پارتی دیموکراتی کوردستان، بە "دەنگی ئەمەریکا"ی راگەیاندووە:" وەفدی پارتی باسی ڕێگری کردنیان لە هەڵبژاردن لەگەڵ ئێمە نەکرد، بەڵام گەر بەشداری نەکەن، پێموایە ناهێڵن هەڵبژاردن لە هەولێر و دهۆک ئەنجام بدرێت ".
ئەوەشی خستەڕوو:" ئەگەر هەڵبژاردن لە هەولێر و دهۆک نەکرێت، پێناچێت لە سلێمانی و هەڵەبجەش بەڕێوەبچێت، بەڵام گەر پارتی ڕێگری بکات عێراق و دادگا هەڵوێست وەردەگرن ".
ئەمەش لەکاتێکدایە، رۆژی 18 ی ئازاری 2024، مەکتەبی سیاسی پارتی بایکۆتکردنی هەڵبژاردنی پەرلەمانی کوردستان ڕاگەیاند.