بەڕێوەبەرایەتی ئاسایشی هەولێر کوژرانی هاوڵاتییەکی بەهۆی کێشەیەکی کۆنی کۆمەڵایەتییەوە راگەیاند.
بەڕێوەبەرایەتی ئاسایشی هەولێر لە راگەیەندراوێکدا ئاماژەی بەوەکرد:" ئەمڕۆ یەکشەممە، رووداوێکی تەقەکردن لەناو بازاڕی شاری هەولێر روویدا و بەهۆیەوە، هاوڵاتییەک بە ناوی ئیدریس ئەسعەدوک کوژرا".
ئاماژەی بەوەشکرد:" رووداوەکە بەهۆی کێشەیەکی کۆنی کۆمەڵایەتییەوە روویداوە و تۆمەتباری سەرەکی رووداوەکەش کە ناوی (ع.س.آ)ە، دوای رووداوەکە خۆی رادەستی هێزەکانی پۆلیس کرد".
بەگوێرەی زانیارییەکان، رووداوەکە لە نزیک باخی شار روویداوە و ئەو کەسەی کوژراوە تەسبیحفرۆش بووە و لەکاتی کاردا بووە.