پارێزگاری سلێمانی رایدەگەیەنێت، “بەهەموو شێوەیەک کارکردن و دەرۆزەکردن بە منداڵانی خوار تەمەن 18 ساڵان و دیاردەی دەرۆزەکردن بەشێوەیەکی گشتی قەدەغەیە”.
هەڤاڵ ئەبوبەکر، پارێزگاری سلێمانی لە کۆنفڕانسێکی رۆژنامەوانیدا رایگەیاند، کۆبوونەوەی ئەنجومەنی پاراستنی منداڵ بەئامادەبوونی لایەنە پەیوەندیدارەکان بەڕێوەچوو، تێیدا بڕیاردرا بەهەموو شێوەیەک کارکردن و دەرۆزەکردن بە منداڵانی خوار تەمەن 18 ساڵان و دیاردەی دەرۆزەکردن بەشێوەیەکی گشتی قەدەغەبکرێت.
ئاماژەی بەوەش کرد، دەرۆزەکردن بە یاسا قەدەغەکراوە و ژیانی ئەو کەسانەی ئەو کارە دەکەن یان پێیان دەکرێت، دەخاتە بەردەم هەڕەشەیەکی گەورەوە.
پارێزگاری سلێمانی وتیشی، بەراورد بە ساڵانی رابردوو، دیاردەی دەرۆزەکردن کەمیکردووە و ئەگەر هەموو لایەک هاوکاربن کەمتریش دەبێتەوە.