''مایک پێنس کەرەنتین نەکراوە''
  2020-05-11       403       

وتەبێژی جێگری سەرۆکی ئەمریکا لەبارەی کەرەنتین کردنی مایک پێنس، جێگری سەرۆکی ئەمریکا رایگەیاند، “جێگری سەرۆکی ئەمریکا، مایک پێنس کەرەنتین نەکراوە و رۆژی دووشەممە لەسەر کارەکەی دەبێت”.
 
ئاوێنه‌: لە راگەیەندراوێکدا دێڤین ئۆماڵی، وتەبێژی جێگری سەرۆکی ئەمریکا ئاماژەی بەوە دا کە مایک پێنس، جێگری سەرۆکی ئەمریکا رۆژانە تێستی ڤایرۆسەکە ئەنجام دەدات و ئەمڕۆش تێستەکەی نێگەتیڤ دەرچووە و هەروەها باس لەوە کراوە کە ناوبراو رێنماییەکانی یەکەی چاودێری کۆشکی سپی پەیڕەودەکات و کەرەنتین نەکراوە و رۆژی دووشەممە لەسەر کارەکەی دەبێت.

ئەم راگەیەنراوەیەش دوای ئەوە هات کە ئاژانسەکانی “Bloomberg” و “Associated Press” هەواڵی ئەوەیان بڵاوکردەوە کە دوای ئەوەی تێستی رۆژی هەینی کەیت میلەر پۆزێتڤ دەرچووە، مایک پێنس بۆ خۆپارێزی، خۆی کەرەنتین کردووە.

شایەنی باسە رۆژی پێنجشەممە تێستی (COVID-19)ی یەکێک لە پاسەوانە تایبەتەکانی دۆناڵد ترەمپ، سەرۆکی ئەمریکا پۆزێتیڤ دەرچووبوو، رۆژی هەینیش تێستی کەیت میلەری گوتەبێژی مایک پێنس پۆزێتڤ دەرچوو.

بەهۆی ئەوەی ستیفان میلەری هاوسەری کەیت میلەر راوێژکاری ترەمپ-ە مەترسی گەیشتنی ڤایرۆسەکە بە کۆشکی سپی هەیە.

لەلایەکی دیکەشەوە رۆژی هەینی تێستی تایبەتی ١١ خزمەتکاری نهێنی و یاریدەدەری ئیڤانکا ترەمپ-ی کچی دۆناڵد ترەمپ پۆزێتیڤ دەرچو.
زۆرترین بینراو
© 2021 Awene Online, Inc. All Rights Reserved.
×