وەزارەتی تەندروستی: نرخى پشکنینی کۆرۆنا كه‌م ده‌كرێته‌وه‌
  2021-04-01       235       

وەزارەتی تەندروستی بڕیاریدا پشکنینی کۆرۆنا بۆ توشبووان و گومانلێکراوان لە نەخۆشخانەکانی کەرتی گشتی بەخۆرایی ئەنجام بدرێت و لە کەرتی تایبەتیش نرخەکانی کەمکردەوە.  

ئاوێنه‌: وەزارەتی تەندروستی حکومەتی هەرێم  ڕایگەیاند، پشکنینی تاقیگەیی بۆ تووشبووانی کۆرۆنا و گومانلێکراوان بەخۆڕایی دەبێت لە تاقیگەکانی کەرتی گشتی (حکومی) و جگە لەوەش لە تاقیگەکان و نەخۆشخانەکانی ڕێگەپێدراوی کەرتی تایبەت (ئەهلی) نرخەکان بەڕێژەیەکی زۆر کەم دەکرێتەوە.  

بەپێی بڕیاری وەزارەتی تەندروستی ئاماژە بەوەکراوە، لەپێناو بەرژەوەندی گشتی هاوڵاتیان و ڕەچاوکردنی دۆخی ئابوری و گونجاندنی ئێستای خەرجی و نرخەکانی پشکنینی تاقیگەیی بۆ ڤایرۆسی کۆرۆنا، دوای پێداچوونەوە، بڕیار درا بە بەردەوامبوونی ئەنجامدانی پشکنین بۆ نەخۆشانی کۆڕۆنا لە تاقیگەکانی کەرتی گشتی (حکومی) بەخۆڕایی و هەروەها لە نورینگەکانی کەرتی گشتی دوای دەوامی حکومی کەمکردنەوەی نرخی پشکنین لە 60 هەزارەوە بۆ 40 هەزار دینار و لە تاقیگە و نەخۆشخانەکانی ڕێگەپێدراوی کەرتی تایبەت (ئەهلی) کەمکردنەوەی نرخەکەی لە 90 هەزارەوە بۆ 50 هەزار دینار.  

 

زۆرترین بینراو
© 2021 Awene Online, Inc. All Rights Reserved.
×