نەوت زیاتر لە 2%ی بەهای خۆی لەدەستدا
  2021-05-13       271       

ئێوارەی ئەمڕۆ پێنجشەممە، نرخی نەوت لە بازاڕەكانی جیهاندا زیاتر لە 2%ی بەهای خۆی لەدەستدا، ئەوەش دوای چەند هەفتەیەك لەوەی نرخی نەوت روی لە بەرزبونەوە بو.

ئاوێنە: بەگوێرەی ئاژانسی رۆیتەرز، سەعات 4:15 خولەكی ئێوارەی ئەمڕۆ بەكاتی هەرێمی كوردستان، نرخی یەك بەرمیل نەوتی خاوی برێنت بۆ 67.57 دۆلار دابەزیوە.

هەروەها نرخی یەك بەرمیل نەوتی خاوی تەكساس بۆ 64.28 دۆلار دابەزیوە.

رۆیتەرز تەشەنەسەندنی شەپۆلی كوشندەی ڤایرۆسی كۆرۆنای لە هیند بە یەكێك لە هۆكارەكانی دابەزینی خواست لەسەر نەوت و لە ئاكامیشدا بە هۆكاری دابەزینی نرخی نەوت ناوبردوە كە ئەو وڵاتە سێیەم گەورەترین هاوردەكاری نەوتە لەسەر ئاستی جیهان.

هەروەك ئاماژەی بە كەوتنەوەكاری هێڵێكی سەرەكی بۆری نەوتی ئەمریكی، وەك هۆكارێكی دیكە بۆ دابەزینی نرخی نەوت كردوە، كە بۆ ماوەی شەش رۆژ بو لەدوای هێرشێكەوە كاركردنی ئەو هێڵە راگیرابو.


زۆرترین بینراو
© 2021 Awene Online, Inc. All Rights Reserved.
×