فڕۆكەخانەی سلێمانی: هەر هاوڵاتییەك گەشتی دەرەوەی وڵات بكات پێویستە ڤاكسینی وەرگرتبێت
  2021-10-20       850       

فڕۆكەخانەی سلێمانی رایگەیاند، لە سەرەتای مانگی داهاتوەوە، هەر هاوڵاتییەك گەشتی دەرەوەی وڵات بكات، پێویستە بەڵگەی وەرگرتنی ڤاكسین و هەروەها بەڵگەی پشكنینی كۆرۆنای پێ بێت.

ئاوێنە: فڕۆكەخانەی نێودەوڵەتی سلێمانی، ئەمڕۆ چوارشەممە، لە راگەیەندراوێكدا وتی"بەپێی فەرمانى سەرۆکایەتى ئەنجومەنى وەزیرانى عێراق و ئاگادارینامەى دەسەڵاتى فڕۆکەوانى شارستانى ‏عێراق ژمارە (879) لە 13/3/2021 کە بەدەستمان گەیشتوە سەبارەت بەو هاوڵاتییە عێراقیانەى کە بە نیازن سەفەر ‏بکەن پێویستە ڕەچاوى ئەم خاڵانە بکرێت لە بەروارى (1/11/2021) بەدواوە:‏‎ 

‏1.‏ هەر هاوڵاتییەکى (عێراقى) کە سەفەر دەکات بۆ وڵاتانى دەرەوە پێویستە بەڵگەى وەرگرتنى ڤاکسینى ‏(کۆڤید – 19 )ى هەڵگرتبێت لەگەڵ بەڵگەى پشکنینی (‏PCR-Ve‏) کە لە لایەن مەڵبەندە حکومىیەکانە دەرچوبێت و دڵنیایی ‏بدات کە هەڵگرى ڤایرۆسەکە نییە، کەمتر لە (72) کاتژمێر بەر لە سەفەرکردنەکەی.‏‏

 2.‏ ئەو هاوڵاتییە (عێراقى)یەى کە ناتوانێت ڤاکسینى کۆڤید وەرگرێت یان نەخۆشىیەکى هەیە ڕێگرە لە وەرگرتنى ‏پێویستە ڕاپۆرتێکى پزیشکى باوەڕپێکراوى پێبێت بیسەلمێنێت کە ناتوانێت وەریبگرێت، بەڵام پێویستە بەڵگەى پشکنینی (‏PCR-Ve‏)ى هەڵگرتبێت لەلایەن مەڵبەندە حکومىیەکانەوە دەرچوبێت کەمتر لە (72) کاتژمێر لە سەفەرەکەى.‏

3.‏ لینکى (‏www.iraqpass.com‏) دیاریکراوە بۆ چێکى ئەو بەڵگەنامانەى پەیوەستن بە ڤاکسینى (کۆڤید – 19).


زۆرترین بینراو
© 2021 Awene Online, Inc. All Rights Reserved.
×