سەرۆكایەتی شارەوانی سلێمانی، ئاگاداری ھاوڵاتیان دە‌كات لە‌كاتی سە‌ردانیان بۆ ناو شارەوانی سلێمانی پێویستە كارتی ڤاكسینی كۆرۆنایان پێبێت.
ئاوێنە: سەرۆكایەتی شارەوانی سلێمانی لە راگەیەندراوێكدا ئاگاداری هاوڵاتیانی كردۆتەوە كە لە‌كاتی سە‌ردانیان بۆ شارەوانی سلێمانی بە‌مە‌بە‌ستی راییكردنی مامە‌ڵەكانیان، پێویستە لە رێككەوتی (20\2\2022)ەوە كارتی ڤاكسینی كۆرۆنایان پێبێت لە‌پێناو پاراستنی تەندروستی و سە‌لامە‌تی گشتی.
تاوەكو ئێستا ژمارەیەك فەرمانگەی حكومەتی هەرێمی كوردستان، بۆ راییكردنی مامەڵەی هاوڵاتیان، وەرگرتنی ڤاكسینی كۆرۆنایان كردۆتە مەرج.