دادگای باڵای فیدراڵیی عێراق بڕیاریدا هەریەك لە وەزیری دارایی عێراق و پارێزگاری بانكی ناوەندی بانگێشتی دانیشتنی داهاتووی دادگاكە بكات.
ئاوێنە: ئەمڕۆ دادگاكە دانیشتنێكی تایبەت بە چاوخشاندن بە سكاڵای پەیوەندیدار بە بەرزكردنەوەی نرخی ئاڵوگۆڕی دۆلار و دامەزراندنی سندوقی سامانی سیادی ئەنجامدا.
میدیای فەرمیی عێراق بڵاویكردەوە، دادگاكە بڕیاریداوە بانگێشت ئاراستەی هەریەك لە وەزیری دارایی و پارێزگاری بانكی ناوەندی بكرێت بۆ ئامادەبوون لە بەردەم دادگا لە دانیشتنی داهاتوو كە بڕیارە لە 14ی ئەم مانگە ئەنجامبدرێت.
ماوەیەكە پرسی زیادكردنی بەهای دۆلاری ئەمریكی لە عێراق كە ساڵی ڕابردوو بڕیاری لێدرا، پرسێكی گەرمە و پێشتر ئەنجومەنی نوێنەران كۆبوونەوەیەكی لەبارەوە ئەنجامدا.