كەركوك/ ئابی 2022/ بڵاوەپێكردنی هێزی ئەمنی لە شەقامێكی سەرەكیی ناوشار فۆتۆ: راگەیاندنی فەرماندەیی پۆلیسی كەركوك
شەوی رابردو لە گوندێكی سنوری كەركوك پیاوێك ژنەكەی خۆی كوشتوەو دواتر كۆتایی بە ژیانی خۆشی هێناوە.
ئاوێنە: بەپێی قسەی سەرچاوەیەكی ئەمنی لە پۆلیسی كەركوك كە قسەی بۆ (كەركوك ناو) كردوە، شەوی رابردو پیاوێك لە گوندی سەقزلی سەربە شاری كەركوك، ژنەكەی خۆی كوشتوە.
سەرچاوەكە وتویەتی"ئەو ژن و مێردە كێشە لە نێوانیاندا هەبوە، بەوهۆیەوە پیاوەكە فیشەكی بە هاوسەرەكەیەوە ناوە و كوشتویەتی، دواتر فیشەكی بە برای هاوسەرەكەیەوە ناوە و برینداری كردوە، هەر لەبەردەم ماڵی خۆیاندا فیشەكی بەسەری خۆیەوە ناوە، لەكاتی گەیاندنی بە نەخۆشخانە گیانیلەدەستداوە".
ئاماژەی بەوەشداوە كە بارودۆخی تەندروستی بریندارەكە ناجێگیرە.
شایەتحاڵێكیش لەو روداوە بە (كەركوك ناو)ـی وت "ئەو خێزانە ئاوارەی تەلەعفەرن، پیاوەكە ئەوە دوەم هاوسەریەتی و پێكەوە پێنج منداڵیان هەیە."