ئەمریکا: پشتیوانی خۆپیشاندەرانی ئێران دەكەین
  2022-10-04       280       

ڕاوێژكاری ئاسایی نەتەوەیی ئەمریكا ڕایگەیاند سەركوتی خۆپیشاندانەكانی ئێران شەرمەزار دەكەن و لە پاڵ خۆپیشاندەراندا بە كردار ڕادەوەستن.

ئاوێنە: جێك سۆلیڤان ڕاوێژكاری ئاسایشی نەتەوەیی ئەمریكا ڕایگەیاند، ئێمە لە پاڵ خۆپیشاندەرانی ئێراندا بە كردار ڕادەوەستین، ئەوان ژنانی ئازای ئێرانن، تەنها داوای ماف و شكۆی خۆیان لە پێناو بەدیهێنانی دادپەروەریدا دەكەن.

ئاشكراشیكرد ئەمریكا وەك هەنگاوی كرداری سزای بەسەر ژمارەیەك كەس و لایەندا سەپاندووە كە بەرپرسیاری كوشتن و بڕینی خۆپیشاندەرانیان دەكەوێتە ئەستۆ.

ئاماژەی بە ئەوەش كرد هەوڵەكانیان بەردەوامیان دەبێت بۆ سەپاندنی سزای زۆرتر بەسەر لایەنی دیكەدا كە بەرپرسیارن لە پێشێلكرانی مافەكانی مرۆڤ.

ماوەی 17 ڕۆژە خۆپیشاندانەكان لە ئێران و ڕۆژهەڵاتی كوردستان بەردەوامییان هەیە و سەدان كەس بوونە قوربانی.

 

زۆرترین بینراو
© 2023 Awene Online, Inc. All Rights Reserved.
×