وەزارەتی دارایی عێراق، رایگەیاند، ئەمڕۆ چوارشەممە، دەستكرا بە دابەشكردنی موچەی مانگی دوی موچەخۆران.
ئاوێنە: وەزارەتەكە لە راگەیەندراوێكدا وتویەتی، ئەمڕۆ چوارشەممە، دابەشكردنی موچە بە دابەشكردنی موچەی خانەنشینانی شارستانی و سەربازی دەستی پێكردوە.
هاوكات دەستەی خانەنشینی نیشتمانیی عێراق لە راگەیەندراوێكدا دەستپێكردنی دابەشكردنی موچەی مانگی دوی خانەنشینانی شارستانی و سەربازیی راگەیاندوە كە بەپێی راگەیەندراوەكە، دابەشكردنە لە ڕێگەی بانكەكان و بەشێوەی ئەلیكترۆنی دەبێت.
ئەوەش لەكاتێكدایە كە لەگەڵ تێپەڕبونی رۆژێكی مانگی دودا هێشتا حكومەتی هەرێمی كوردستان دەستی نەكردوە بە دابەشكردنی موچەی مانگی 1ی ئەمساڵی موچەخۆران و وادەی دەستپێكردنیشی بەڕەسمی رانەگەیاندوە.