وتەبێژى پۆلیسى سلێمانى: پێش ئەوەى پارەکانتان وەربگرن لە ئامێرى بدەن تا دڵنیا ببنەوە ساختە نییە
  2023-02-13       545       

لەبارەى بڵاوبونەوە دراو ساختەوە وتەبێژى پۆلیسى سلێمانى رونکردنەوە دەدات و دەڵێت: زۆرینەیان لە شارەکانى عێراقەوە دێنە هەرێمى کوردستان.

ئاوێنه‌: سەرکەوت ئەحمەد، وتەبێژى پۆلیسى سلێمانى بە کەى ئێن ئێنى راگەیاند؛ ئەو پارە ساختانەى کە بە شێوەى دینار دەستیان بەسەردا گیراوە زۆرینەیان بەو گەشتیارانەن کە لە عێراقەوە دێنە شارەکانى هەرێمى کوردستان و پێیان دەگیرێت.

لەبارەى دۆلارەکانیشەوە دەڵێت: بەشێکیان لە ئێرانەوە دێن و هەندێکیشیان لەناوخۆدا بەردەستى هاوڵاتییان دەکەوێت و بەکارى دەهێنن بەڵام بە وتەى ئەو حاڵەتەکان کەمن.

داواش دەکات کە هاوڵاتییان پارە وەردەگرن پارەکانیان لە ئامێرى تایبەت بەن تا دڵنیا ببنەوە کە پارەکانیان ساختە نین و بێ ئەوەى لە ئامێرى نەدەن پارەکانیان وەرنەگرن.

ئەمەش لەکاتێکدایە، دوێنێ وەزارەتى دارایی حکومەتى هەرێمى کوردستان ئاشکرایکرد کە دراوى ساختە لە بازاڕەکانى هەرێمى کوردستان بڵاوبوەتەوە و داواى کرد هاوڵاتییان ئاگاداربن لەکاتى مامەڵەکانیاندا.

زۆرترین بینراو
© 2024 Awene Online, Inc. All Rights Reserved.
×