پاش هەشت ساڵ دەچێتەوە سەر مینبەر
هەردی مەهدی
2020-01-17 648
ئه‌مرۆ هەینی‌و پاش هەشت ساڵ، بۆ جارێکی تر ڕێبەری ئێران وتاری هەینی لەنوێژگە (موسەڵا)ی تاران، پێشکەش کرد، لەدوا دوو وتاری هەینیدا (۲۰۰۹و۲۰۱۲)، کە دۆخی ئەوکاتیش تاڕادەیەک ئاڵۆزو پەرتەوازەیی بۆ سیاسەتەگشتییە ناوخۆیی و دەرەکییەکانی ئێران دروستکردبو، چەند هێڵێکی سەرەکی پۆڵەسی ئێرانی ئیعلان کرد، لەوانە:
۱. بەرگری لەسەرجەم هێزەکانی دژە ئیسرائیل‌و وتی بێ ڕودەربایسی پشتیوانی ئەوانەین دژی ئیسرائیل دەجەنگن.
۲.هەروەها پاش ئەو وتارە پشتیوانی و پەیوەندی پرۆ ئێرانییەکان لە یەمەن و ئێراق و سوریە و لوبنان شکڵێکی نوێتر و ڕاشکاوتری وەرگرت.
۳.هەر لەو مینبەرەداو دەساڵ پێش مەسەلەی ناڕەزایەتی ناوخۆو ناڕازیانی بەفیتنە لەقەڵەمدا تەقریبەن کەسایەتییە گرنگ و دەسەیەکی بزوتنەوەی سەوزی ڕیفۆرمخوازی ئینقلابی، لەمەیدان و پرۆسەی سیاسی و جومگەی حکومەت دوورخستەوە.
ئایا پاش هەشت ساڵ و پاش ئەو ڕووداوە خێرایانەی لەئێراق و کوشتنی سولەیمانی و موهەندیس و قەیرانی فڕۆکە ئۆکراینیەکە و خۆپیشاندانە ڕۆژانەییەکانی ناو ئێران، ڕێبەری کۆمار دەیەوێت چی بڵێت؟ ئایا سیاسەتێکی نوێ دەگرێتەبەر؟ یان دۆخەکە لە ناوئێران و ناوچەکەدا ڕادیکاڵتر دەکات؟
ئایا ئەمە خوتبەی "تۆڵەستاندنی سەختگیرانەیە" یان "حەجی ماڵئاوایی" خطبه الوداع-ی "ئیقامه حوججە"ی ڕێبەرێکی سەروو هەشتا ساڵەیە دژ بە یار و نەیار؟ یان بۆ هێورکردنەوەی ناڕەزاییەتیەکانە؟ یاخود نمایشی دەسەڵاتە و ڕێپێوانکردنی خەڵکی لایەنگرە بەرامبەر جەماوەری ناڕازی؟