2019-09-16 474
دەستەی وەبەرهێنانی عێراق رایدەگەیەنێت، ''یەکەم پرۆژەی باڵەخانەی بەرزی نیشتەجێبوون، لە بەغداد جێبەجێ دەکرێت''.
ئاوێنه: شاکر زاملی، سەرۆکی دەستەی وەبەرهێنانی بەغدا بە رۆژنامەی (سەباح)ی فەرمیی وڵاتەکەی راگەیاندووە، کۆمپانیای جێبەجێکار دەستی بە قۆناغە سەرەتاییەکانی دروستکردنی تاوەرەکان ”بروج“ی بەغدا کردووە.
جێگای ئاماژەیە پرۆژەکە بەشێوەی وەبەرهێنان و لەسەر رووبەری ١١٦ دۆنم لە نزیک گۆڕەپانی عەباس بن فرناس لە کەرتی کەرخی بەغدا، جێبەجێ دەکرێت.
زاملی ئاماژەی بەوەش کردووە، کە یەکەمجارە لە بەغدا، باڵەخانە و تاوەری بەرزی لەم چەشنە بۆ نیشتەجێبوون دروست دەکرێت هاوکات راشی گەیاندوە پرۆژەکە پێکدێت لە لە ژمارەیەک تاوەر، تاوەرەکان پێکدێن لە بینایی ١٤ نهۆمی تا ٢٦نهۆمی و پرۆژەکە دوو هەزار و ٦٥٠شوقەی نیشتەجێبوون، لەخۆ دەگرێت.