2019-10-10   1164     
دوای بۆردوومان و هێرشی زەمینی شەوی رابردوو بۆ رۆژئاوای کوردستان، شەوی رابردوو سوپای تورکیا بۆردوومانەکانی وەستاند، بەڵام بەیانی ئەمڕۆ دەستی بە بۆردوومانی گرێسپی، سەرێکانیێ و ناوەندی کۆبانێکرد.
ئاوێنه: میدیاکانى رۆژئاواى کوردستان بڵاویانکردەوە، بەیانى ئەمرۆ فڕۆکەکانى تورکیا بۆردومانى ناوەندى شارى کۆبانى بۆردومان کردوە، ئاماژە بەوەشکراوە، توركیا بۆردومانى چەند گوندێکى گرێسپی کردوە.
تورکیا لە گرێ سپی و سەرێ کانی ئامادەکاری بۆ هێرشی زەمینی دهكات هەرچەندە ئاڵۆزی لە تەواوی ناوچەکانی رۆژئاوای کوردستان دەبیندرێت بەهۆی ئۆپەراسیۆنەکەوە، بەڵام تورکیا هێرشەکانی بەتایبەتی بۆ گرێسپی و سەرێکانیێ سەختترکردووە.
لە ئەنجامی بۆردوومان و تۆپبارانەکانی شەوی رابردووشدا پێنج کەس گیانیان لەدەستداوە و ژمارەیەکی دیکەش بریندار بوون.